Эл аралык Валюта кору менен Дүйнөлүк банктын өкүлдөрү бүгүнкү жыйынында оор каржылык кризисти баштан кечирип жаткан Грекияга колдоо көргөзүүнүн шарттарын талкуулайт. Кечээ Афина еврозонага кирген өлкөлөрдөн жана Эл аралык валюта корунан 45 миллиард евро өлчөмүндө жардам ажыратууну сурап расмий кайрылганын жарыялаган. Бул каражаттын ордуна Эл аралык валюта кору Грекиядан экономикалык реформалар улантылары, мамлекеттик чыгымдар кыскартылары боюнча кепилдик берүүнү талап кылуусу мүмкүн.
