Убактылуу өкмөт башчынын биринчи орун басары Алмазбек Атамбаев бул тууралуу бүгүн маалымат жыйында билдирди. Атын атабаган министрди Коопсуздук кызматы сурак берүү үчүн кармаганын, ал абакта 48 саатка чейин отурушу ыктымал экенин, эгер күнөөсү далилденсе абакка камаларын маалымдады. А. Атамбаев ал министрдин кармалган себебин ачыктаган жок. Башкы прокуратуранын басма сөз кызматынын өкүлү Улан Дыйканбаев бул тууралуу аздан соң тактап маалымат бере турганын айтты. (EBM)
