Бул тууралуу Өткөөл мезгилдин президенти, Убактылуу өкмөт жетекчиси Роза Отунбаева бүгүн Ошту тик учак аркылуу кыдырып келген соң билдирди. Ал шаардын бир топ талкаланганын белгиледи. Ошондой эле ал тополоңдо үй-жайын таштап кеткен бозгундарды кайтаруу аракеттери көрүлөөрүн айтты. Учурда ал ооруканаларды кыдырып, жабыр тарткандардын ал-абалы менен таанышууда. Мындан соң Ош шаардык жана облустук комендатурасында жолугушуу өткөрөрү күтүлүүдө. Бул туурасында “Азаттыктын” аймактык кабарчысы билдирди. (КЕ)