Бул тууралуу "Азаттыкка" Жогорку Соттун басма сөз катчысы Бактыбек Рысалиев билдирди. Бишкектеги Биринчи май райондук сотунда бүгүн өткөн процессте күбөлөр көрсөтмө беришти. “Мекен туу” партиясынын лидери Урмат Барктабасов баштаган 15 адамды өткөн жылдын август айында “бийликти күч менен басып алууга аракеттенген” деген айып менен УКМК камакка алган. Аны менен кошо кармалган 15 кишинин төртөө үй камагына чыгарылган. Барктабасов өзүнө тагылган айыптар менен макул болбой келет. (KKs)
