АКШ президенти Барак Обама Россия менен атомдук куралдарды кыскартуу боюнча келишимдерди ратификациялоо жөнүндөгү документке кол койду. Ошентип ратификациялоо процесси аяктады. Бир апта мурун ушундай эле документке президент Дмитрий Медведев кол койгон. Келишим эки өлкө ратификациялык документтерин бири бирине тапшыргандан кийин күчүнө кирет. Болжолу менен ал 4-6-февраль күндөрү Мюнхенде коопсуздук боюнча конференциянын учурунда ишке ашат. СТАРТ келишимине ылайык, тараптар стратегиялык ядролук арсеналынын дээрлик үчтөн бир бөлүгүн кыскартууга тийиш.
