Бүгүн Жогорку Кеңештин Коргонуу жана коопсуздук комитети “Ата-Журт” фракциясынын депутаты Марат Султановдун үйүндөгү жардырууга байланыштуу маселени талкуулайт. Парламенттин маалымат кызматынын билдиришинче, анда Улуттук коопсуздук боюнча мамлекеттик комитеттин төрагасы Кеңешбек Дүйшөбаев менен ички иштер министри Зарылбек Рысалиев маалымат берет. 28-апрелге караган түнү Султановдун Бишкектин четиндеги үйүнө белгисиз бирөөлөр жардыргыч зат ыргытып кеткен. Жарылуудан адам курмандыктары болгон эмес. УКМК бул факт боюнча кылмыш ишин козгогон эле. (EBM)
