Бул тууралуу“Азаттыкка” Жалал-Абад облустук Ички иштер башкармалыгынын басма сөз катчысы Таалайбек Сусунбаев билдирди. Анын айтымында, июнь коогасынын бир жылдыгына байланыштуу киши көп жүргөн жерлер, коомдук жайларда күзөт күчөтүлдү. Милиция кызматкерлери күнү-түнү кезектешип иштеп, көчөлөрдө кайгуул күзөт жүргүзүлүүдө. “Ар кандай ушактарды текшерүү, тактоо иштери жүрүүдө. Азыр облуста кырдаал тынч”, - дейт Сусунбаев.
Буга чейин Ош шаарынын Ички иштер башкармалыгынын кызматкерлери күчөтүлгөн режимге өткөнү кабарланган. (КЕ)
Буга чейин Ош шаарынын Ички иштер башкармалыгынын кызматкерлери күчөтүлгөн режимге өткөнү кабарланган. (КЕ)
