АКШнын президенти Барак Обама кара куюндан жабыркаган шаарга жардам берилээрин билдирди. “Өкмөт өткөн аптадагы торнадодон катуу жабыркаган Миссури штатындагы Жоплин шаарына колдон келген жардамын берет”, - деп билдирди президент кечээ ошол шаарчага барган кезинде. Президент аны улуттук трагедия деп атады. Үй учурган кара куюндан бул шаарчада 139 адам набыт болду, 900 ашууну жаракат алган.
