Баш прокурор ЖКга депутат Ташиевдин кол тийбестигин алуу сунушун жолдоду

Бул тууралуу Башкы прокуратуранын басма сөз кызматынын жетекчиси Талант Конокбаев “Азаттыкка” билдирди. Конокбаевдин билдирүүсүндө, баш прокурор Аида Салянова “Ата-Журт” фракциясынын жетекчиси Камчыбек Ташиевди кылмыш жоопкерчилигине тартуу үчүн макулдук берүү жөнүндө сунушун Жогорку Кеңешке жолдоду.

Алдын ала алынган маалыматтар боюнча, депутат Камчыбек Ташиевге бейбашчылык боюнча айып тагылууда. Бул тууралуу Баш прокуратуранын басма сөз кызматы бир аздан соң кененирээк маалымат таратаарын билдирди. (EK)