БУУнун Башкы ассамблеясы Пан Ги Мунду дагы бир мөөнөткө уюмдун баш катчылыгына шайлады. 67 жаштагы түштүк кореялык дипломаттын климаттык өзгөрүүлөр, өзөктүк куралсыздандыруу, аялдар маселесин чечүүдөгү иштери жогорку баага арзып, ошол эле маалда Кытай жана Орусия өңдүү ири мамлекеттердеги адам укуктарынын абалына байланыштуу жетиштүү сын айтпай келатканы белгиленди. Баш катчынын экинчи 5 жылдык мөөнөтү 2012-жылдын 1-январында башталат.
