Минскиде бүгүн үн чыгарбас акциясына катышкан 20 киши соттолду. «Жаз» укук коргоо борборунун маалыматына караганда алар бейбаштык үчүн деп, ар кандай административдик жазаларды алышты. Кечээ жер-жерлерде тилектештик акциясы өтүп, ага катышкан 450дөй кишини милиция кармаган. Бул үчүнчү акция. Президент Александр Лукашенко эгер дагы бир жолу ушундай акция өтсө Ички иштер министри кызматынан кетерин эскертти.