Тегеран саммитинде Ооганстан, Иран, Пакистан президенттери терроризмге каршы биргелешип күрөшүү тууралуу билдирүү жасашканы кабарланды. Билдирүүдө экстремизм сыяктуу эле аймактын кызыкчылыгына жана исламдын табиятына каршы келген чет өлкөлүк киришүүлөргө чечкиндүү каршы туруу жөнүндө айтылган. Иранда башталган бул эки күндүк саммитке 80ден ашык өлкөдөн ар кандай деңгээлдеги өкүлдөр катышты.
