Ирактын Тажы шаарында болгон эки жардырууда 35 киши мерт болуп, жарат алгандар арбын болду. Расмий маалыматка караганда, адегенде жергиликтүү бийликтин имаратынын жанындагы унаа токтотуучу жайда мина коюлган унаа жарылган. Ага полиция келген кезде экинчиси жарылган. Ирактагы террордук чабуулдардын жана андан жабыркагандардын саны акыркы учурда кескин өстү. Дүйшөмбү күнү 10 киши мерт болгон. Июнь айында өлгөндөрдүн саны 270ке жеткен.
