Ооганстандын президенти Хамид Карзайдын айтымында, НАТОнун учагы өткөн түнү өлкөнүн чыгышында кыйраганда, ичиндеги 31 америкалык атайын кызматкерлер жана жети ооган аскери каза тапты. Согуш башталгандан берки чет элдик аскерлердин арасындагы эң каргашалуу кырсык Вардак провинциясында орун алды. Өз билдирүүсүндө Карзай АКШнын президенти Барак Обамага көңүл айтты. Кырсык үчүн жоопкерчиликти талиптер өздөрүнө алды.
