Нигерия борборунун Жос аймагында дин тутум жааттагы кагылышуудан 20 киши каза болуп, 50дөй адам жаракат алды. Жергиликтүү маалымат каражаттары кабарлагандай, мусулман жана християн жаштары ортосунда жаңжал чыгып, бычактоо жана ок атуучу куралдар колдонулган. Топтошкон башаламан жаштар дүкөндөрү тоноп, автоунааларды өрттөшкөн. Этникалык топтор жана ар башка дин тутунгандар жашаган Жос аймагында мындай кагылышуулар биринчиси эмес.
