АКШнын өз мөөнөтүн иштеп бүткөн космостук кемеси 23-сентябрда жерге кулап түшүүгө тийиш. Ай башында АКШнын космостук агенттиги - НАСА 20 жыл мурда курулган алты тонналык башкаруусуз спутник экватордун түштүк тарабындагы эл жыш жайгашкан аймакка кулап түшөрүн эскерткен. НАСАнын айтымында, кеме жерге жакындаганда күйүп кетип, жерге 544 кило металл тулкусу гана түшөт. Таштандынын кимдир бирөөгө тийиши өтө күмөн, башкача айтканда ыктымалдуулугу 1ден 3200гө барабар.
