Президенттикке талапкер Алмазбек Атамбаев 11-октябрда Москвада Орусия президентинин администрация башчысы Сергей Нарышкин менен кездешкенин орусиялык РИА-Новости агенттиги кабарлады. Кечээ Атамбаев Орусия өкмөт башчысы Владимир Путин менен жолугушканын ушул агенттик айтып, бул демилге расмий Москва тараптан болгонун кошумчалаган. Андан мурдарак Атамбаев Москвада жашаган кыргыз мигранттары менен жолугушкан болчу.
