Казакстандын батышындагы Актау шаарына жакын жерде “КазТрансОйл” ишканасына таандык мунай станцияларынын биринде өрт чыкты. Окуя ал жерде мунай сакталчу резервуарды тазалоо учурунда болгону кабарланууда. Бирок ага эмне себеп болгону белгисиз. Учурда иликтөө иштери жүрүп жатат. Компаниядан билдиришкендей, чукул чаралар өз учурунда көрүлгөндүктөн, өрт станциянын башка бөлүктөрүнө өтүп кеткен эмес.
