Салык төлөөдөн качкан деген айып менен Алес Беляцкий беш жылга чейинки мөөнөткө эркинен ажыратылышы мүмкүн. "Весна" деген укуктук уюмду жетектеген Беляцкийге Беларустагы укук коргоо иштери үчүн анын эл аралык донорлордон Литва менен Польшадагы банк эсептери аркылуу каражат алып келгендигине байланыштуу айып коюлууда. Европа Биримдиги бул айыптоону саясий куугунтук катары баалаган.
