Бүгүн кыргызстандыктардын укук маселелери боюнча Бириккен Улуттар Уюмунун органдарына арыз, даттанууларын кароонун жол-жобосу жана тартибин талкуулаган жыйын өтүп жатат. Ага мекемелердин, эл аралык уюмдардын, жарандык коомдун өкүлдөрү жана соттор катышып жатышат. Кыргызстан 1994-жылы БУУнун адам укуктары боюнча комитетине кыргызстандыктардын кайрылуу, арыздарын кабыл алып, кароого макулдугун берген. Азыркы күнгө карата 14 арыз каралган. Бүгүнкү семинарда ошол арыздар боюнча кабыл алынган чечимдердин жеринде кандайча аткарылып жатканы талкууланат. Жыйын Чолпон-Ата шаарында өтүп жатат. (RK)
