Кыргызстанда райондордун акимдерин шайлоо учурунда айтылган нааразылыктарды териштирүү үчүн депутаттык комиссия түзүлбөйт. Мындай чечим парламентте кабыл алынды. Маселени карап чыгуу Жогорку Кеңештеги профилдик комитетке жүктөлдү. Кечээ Кыргызстанда аким шайлоонун жыйынтыгы чыгарылып, премьер-министр Өмүрбек Бабанов жаңыдан шайланып келген 34 аким менен жолукту. Акимдерди райондук кеңеш депутаттары шайлашты. Бул өнөктүк пара берүү, коркутуп-үркүтүү менен коштолгону айтылууда. (RK)
