Бүгүн кечки саат алтыда Бишкектеги Абдылас Малдыбаев атындагы Кыргыз улуттук академиялык опера жана балет театрында «Кыргыз романс жана поэзия антологиясы» аттуу концерт-кече өтөт. Композиторлор союзунан “Азаттыкка” кабарлашкандай, кечеде кыргыз композиторлорунун соңку жылдары жазылган романстары жана ырлары аткарылат. Ага Сталбек Алмасбеков, Гүлнур Ниязбаева, Бактыгүл Бокоева, Сталбек Жунушалиев, Айзирек Момунова менен Нуржигит Асанов жана Тилек Найманбаев, “Кремл жылдыздары” фестивалынын лауреаты Талантбек Токомбаев сыяктуу аткаруучулар катышат. Концерт-кече көрүчүүлөргө акысыз тартууланат. (KKs)
