“Ар-намыс” коалициялык келишимдин жоболорун талкуулоодо

Жогорку Кеңештеги “Ар-намыс” фракциясы коалициялык келишимдин жоболорун жабык талкуулап баштады. Бул тууралуу “Азаттыктын” кабарчысы Заирбек Бактыбаев кабарлады. Буга чейин аталган фракция коалицияга кошулууга даяр экенин билдирген. КСДП фракциясынын лидери Чыныбай Турсунбековдун “Азаттыкка” айтымында, коалициялык көпчүлүктү башкаруу “Ар-намыстын” лидери Феликс Куловго сунушталган.

Коалициялык көпчүлүктү түзүү жоопкерчилигин алган Социал-демократтар фракциясы келишимдин жоболорун фракцияларга таратып берген. (КЕ)