Башкаруучу коалицияны түзө турган "Ата Мекен", "Ар-намыс", Социал-демократтар фракцияларынын лидерлери 3-сентябрда коалициялык келишимге кол коюшат. Бул тууралуу “Азаттыкка” бүгүн Социал-демократтар фракциясынын башчысы Чыныбай Турсунбеков билдирди.
Маалыматка ылайык, аталган фракциялар көпчүлүк коалициянын курамына кирүү боюнча чечим кабыл алып, расмий билдиришти. Ошондой эле оппозицияда калаары айтылган “Ата-Журт” жана “Республика” фракцияларынын айрым мүчөлөрү да көпчүлүк коалицияга кирээри макулдашылды.
Турсунбеков кошумчалагандай, коалицияны түзүү боюнча келишимге кол койгон соң, премьер-министрликке Жантөрө Сатыбалдиевдин талапкерлиги сунушталат.
Буга чейин аталган үч фракция өкмөт башчылык үчүн президенттин азыркы аппарат башчысы Жантөрө Сатыбалдиевдин талапкерлигин колдогон болчу.
Өткөн жылдын соңунда “Ата Мекен”, “Ар-намыс”, “Республика” жана Социал-демократтар фракцияларынан куралган “Биримдик” коалициясы 22-августта “Ата Мекен” менен “Ар-намыс” фракциялары чыгып кеткендиктен бузулган. (BkA)
Маалыматка ылайык, аталган фракциялар көпчүлүк коалициянын курамына кирүү боюнча чечим кабыл алып, расмий билдиришти. Ошондой эле оппозицияда калаары айтылган “Ата-Журт” жана “Республика” фракцияларынын айрым мүчөлөрү да көпчүлүк коалицияга кирээри макулдашылды.
Турсунбеков кошумчалагандай, коалицияны түзүү боюнча келишимге кол койгон соң, премьер-министрликке Жантөрө Сатыбалдиевдин талапкерлиги сунушталат.
Буга чейин аталган үч фракция өкмөт башчылык үчүн президенттин азыркы аппарат башчысы Жантөрө Сатыбалдиевдин талапкерлигин колдогон болчу.
Өткөн жылдын соңунда “Ата Мекен”, “Ар-намыс”, “Республика” жана Социал-демократтар фракцияларынан куралган “Биримдик” коалициясы 22-августта “Ата Мекен” менен “Ар-намыс” фракциялары чыгып кеткендиктен бузулган. (BkA)
