Жогорку Кеңештин төрагасы Асылбек Жээнбеков менен протоколдук жолугушуусунда АКШ президенти Барак Обама Кыргызстандын тандап алган өнүгүү жана демократия жолун кубаттарын билдирди. Парламенттин басма сөз кызматы кабарлагандай, Асылбек Жээнбеков Барак Обама менен БУУнун Башкы ассамблеясынын 67-сессиясынын катышуучуларына арналган президенттин кабыл алуусу маалында жолукту. Парламент төрагасы Кыргызстандагы реформалар демократиялык коомчулуктун колдоосуна муктаж экенин белгиледи. (KKs)
