Полициянын кабарына караганда, Роттердам шаарындагы музейден баалуу жети сүрөт уурдалып кетти. Алардын катарында Пабло Пикассонун, Анри Матиссдин, Клод Моненин жана Пол Гогендин чыгармалары да бар. Музейдин расмий өкүлүнүн айтымында, уурдалган сүрөттөр жеке менчик коллекциядан алынган болчу. Чыгармалар кандай жагдайда уурдалганын айтуудан ал баш тартты.
