БШК депутат Урмат Аманбаеванын ишин токтотуу боюнча доону аткарган жок

Бул тууралуу чечим Борбордук шайлоо комиссиянын кечээги жыйынында кабыл алынды.

Буга чейин Жаныкеев аттуу жаран Жогорку Кеңештин депутаты Урмат Аманбаева депутаттыкка талапкерлигин көрсөткөн учурда жана ушул тапта ишкерлик менен шугулданганын, депутаттык мандатын жеке кызыкчылыгы үчүн колдонуп жатканын белгилеп, анын депутаттык ишин токтотуу боюнча Борбордук шайлоо комиссиясына кайрылган.

“Келтирилген маалыматтар эл өкүлүнүн ишкерлик жүргүзүп жатканын далилдебейт” деп билдирет БШКнын маалымат кызматы. (AKu)