Кыргызстанда октябрь ичинде күйүүчү майдын наркы 50 тыйындан 1,5 сомго чейин кымбаттайт. Бул тууралуу бүгүн маалымат жыйында Мунай ташуучулар ассоциациясынын жетекчиси Медетбек Керимкулов билдирди. Анын айтымында, баанын көтөрүлүшү Кыргызстанга алып келинген күйүүчү майдын баасынын кымбатташына жана доллар курсунун өсүшүнө байланыштуу болууда. Сентябрда күйүүчү майдын баасы эки сомго кымбаттаган. (КЕ)
