Обама менен республикачылар мунасага келе алган жок

АКШ президентинин Республика партиясынын лидерлери менен жолугушуусунда мамлекеттик карыз боюнча конкреттүү чечим кабыл алынбаганын Ак үйдүн маалымат кызматы кабарлады.

Республикачылардын Конгресстеги лидери Эрик Кэнтор эки тарапка тең пайдалуу болгон сүйлөшүү түндө да уланарын билдирди.

Республикачылар карыздын чегин убактылуу көтөрүп турууну сунушташууда.
АКШнын мамлекеттик карызы 16,7 триллион доллар, бир катар өкмөттүк түзүмдөр бир нече күндөн бери иштебей турушат.