Пакистанда АКШнын пилотсуз учагынын чабуулу болгону кабарланууда

Чабуул Ооганстан менен чектеш Мираншах шаарчасына жакын жерде козголоңчулардын имаратына жасалып, андан үч согушкер өлгөн. Өткөн аптада Пакистандын премьер-министри Наваз Шариф АКШнын президенти Барак Обама менен сүйлөшүүдө бул өңдүү соккуларды токтотууга үндөгөн эле. Пакистандын Коргоо министрлиги кечээги маалыматында 2008-жылдан бери пилотсуз учактардын 317 чабуулунан 2 миң 160 козголоңчу, 67 жайкын тургун өлгөнү айтылган.