Парламент акыйкатчы отчету боюнча добуш берүүнү кийинки аптага калтырды

Жогорку Кеңеш акыйкатчынын 2013-жылдагы иши тууралуу отчетуна кийинки аптада добуш берет. Мындай жыйынтыкка депутаттар бүгүн көпкө созулган талаш-тартыштан соң келишти. Акыйкатчы былтыркы жылдын жыйынтыгы тууралуу маалыматын уккан соң айрым депутаттар анын ишин сынга алды.

Депутат Дамира Ниязалиева акыйкатчы Бакыт Аманбаевдин отчету курулай статистикага таянып, конкреттүү мисалдар жетишпегенин айтса, Элмира Жумалиева акыйкатчы өз ишин ашыкча саясатташтырып жатканына токтолду. Ошол эле учурда айрым депутаттар Бакыт Аманбаевге мурдагы акыйкатчынын ишиндеги кемчиликтер үчүн жооп берүүгө туура келип жатканына көңүл бурушту. (BkA)