Орусияда иштеген мигранттардын өткөн жылдын 31-декабрына чейин дароо 3 айга узартылган патенттери гана 2015-жылы жарактуу деп эсептелинет. Ал патенттердин мөөнөтү март айында аяктайт. Бул тууралуу Орусиянын Федералдык миграция кызматынын жетекчисинин орун басары Анатолий Кузнецов Фейсбук социалдык тармагы аркылуу мигранттардын суроолоруна жооп берип жатып билдирди.
2015-жылдын 1-январынан тарта Орусияга кирүү жана анда иштөө тартиби өзгөрүлгөн. Ушул мөөнөттөн баштап Орусия менен визасыз катташкан чет өлкөлөрдүн мигранттарына карата жумушка уруксат берүү квотасы жоюлду. 1-январдан тарта киргизилген патенттин баасы 4 миң рублга чейин барат. (LT)
