Кыргызстан 2002-жылдан бери Интерполго 150 миң евро карыз. Бул тууралуу "Азаттыкка" Ички иштер министрлигинин басма сөз катчысы Бакыт Сейитов билдирди.
Анын айтымында, эгерде кыргыз тарап өз карызын төлөбөй турган болсо, мунун айынан кызматташтык токтоп калышы мүмкүн.
Белгилүү болгондой, Итерполдун Кыргызстандагы бөлүмүндө 7 киши иштейт. Учурда Интерпол аркылуу 290 кыргызстандык изделүүдө. Кыргызстан издеп жаткан 15 адам чет өлкөдө, ал эми Интерпол издеп жаткан 10 киши Кыргызстанда кармалган. (ZMa/UEz)
