Катуу сабалып, январдын башынан бери ооруканада жаткан эки жаштагы Ибрагимди кароосуз калтырган факты боюнча анын атасына козголгон кылмыш иши сотко өткөрүлдү. Бул тууралуу “Азаттыкка” ИИМдин маалымат кызматкери Эрнист Осмонбаев билдирди.
Ибрагимдин атасы дааватка кетип баратканына байланыштуу наристени агасыныкына убактылуу калтырганы кабарланган. Ал эми наристени уруп-сабап, зордуктоого шектелген атасынын агасы жана анын аялы кармалып, эки айга камакка алынган.
Катуу сабалып, зордукталган эки жаштагы Ибрагим Бишкек шаардык балдардын тез жардам клиникасына 10-январдын түнүндө оор абалда түшкөн. (ZMa)
