Кыргызстанда төрөлүп жаткан ар онунчу ымыркайдын энеси 14-19 жашка чейинки кыздар. Бул тууралуу Репродуктивдүү ден-соолук альянсы Республикалык медициналык-маалымат борборунун иликтөөлөрүнө таянып билдирди. Маалыматка караганда, соңку жылдары мектеп окуучуларынын арасында боюна бүтүп калгандар көбөйүүдө.
Расмий маалыматтар боюнча, жыл башынан бери өлкөдө 91 миңден ашуун ымыркай төрөлдү.
Бүгүн Бишкектин четиндеги Jannat-Resort отелинде аталган альянс журналисттерге сексуалдык жана репродуктивдүү ден-соолук темасын чагылдыруу боюнча семинар өткөрүп жатат. (SE)
