Линктер

ЧУКУЛ КАБАР!
17-Октябрь, 2021 жекшемби, Бишкек убактысы 20:59

Итибаев менен атышууда эки адам өлдү


Алдын ала маалыматка караганда Достук кичи районунда милиция менен 12-октябрда абактан качкан Алтынбек Итибаевдин атышуусунда эки адамдын өмүрү кыйылган.

ИИМдин өкүлү “Азаттыктын” кабарчысына каза болгондордун бири милициянын ыкчам атайын отрядынын кызматкери (СОБР), экинчиси жайкын тургун экенин билдирген.

Бүгүн кечке жуук Достук кичи районундагы №8 үйгө бекинип алган Алтынбек Итибаев милицияга автоматтан ок чыгарган. Үй курчоого алынып, ички иштер министри окуя болгон жерге барган.

12-октябрда Төмөнкү Нооруз айылында жайгашкан №50 жаза өтөө мекемесинен өмүрүнүн аягына чейин эркинен ажыратылган жети жана тергөөдөгү эки адам качып чыккан. Алардын бешөө кармалып, үчөө абакта каза болду.

Качып кеткен төрт адамдын экөө буга чейин атайын операциянын жүрүшүндө жок кылынган. Дагы бири Эдил Абдрахманов бүгүн жарадар болуп колго түшкөн.

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG