"Украина Орусия менен дипломатиялык алаканы үзүүнү көздөбөйт" деп билдирди украин тышкы иштер министри Павел Климкин австриялык Der Standart басылмасына курган маегинде.
- Орусиялык агрессияга карабастан биз дипломатиялык мамилени колдоп келатабыз. Орусияда миллиондогон украиналык жашайт. Биз алар тууралуу кам көрүшүбүз керек. Эгер Орусия ошондой (дипломатиялык алаканы токтотуу - ред.) чечим кабыл алса, бул анын жоопкерчилигинде болот, – деди Павел Климкин.
Эки өлкө ортосундагы мамиле 10-августта Орусия "украин чалгынчылары Крымда диверсия, теракт даярдап жатат" деп билдирип, ага жооп катары Киев чек арадагы аскерлерин согуштук даярдыкка келтиргенден кийин чыңалып турат. (RK)