Линктер

ЧУКУЛ КАБАР!
28-Октябрь, 2021 бейшемби, Бишкек убактысы 20:26

Бүгүн премьер-министр Сапар Исаковдун Орусияга расмий сапары башталат


Кыргызстандын премьер-министри Сапар Исаков менен орусиялык кесиптеши Дмитрий Медведев. Кошмо сүрөт.

Кыргызстандын өкмөт башчысы Сапар Исаков 29-сентябрда Орусиянын премьер-министри Дмитрий Медведев жана Мамлекеттик Думанын төрагасы Вячеслав Володин менен жолугат. Ошондой эле «Сколково» инновациялык борборунун иши, Москванын «Коопсуз шаар» долбоору менен таанышат.
30-сентябрда өкмөт башчы Сапар Исаков Москвадагы «Кыргызстан» павильонунун абалы менен таанышып, кыргызстандык ишкерлердин «Muras Clinic» медициналык борборунун ачылышына катышат. Андан тышкары Орусиядагы кыргыз диаспорасынын өкүлдөрү менен жолугат.

Өкмөттүн маалыматы боюнча, Сапар Исаковдун Орусияга расмий сапары Кыргызстандын өкмөт башчысынын 26 жылдан берки алгачкы расмий деңгээлдеги сапары болууда. Бул аралыкта Эгемен Кыргызстандын тарыхында 29 өкмөт башчы алмашты.

Сапар Исаков Кыргызстандын премьер-министри болуп 25-августта дайындалган. Ага чейинки өкмөт башчы Сооронбай Жээнбеков президенттик шайлоого ат салышып жатканына байланыштуу кызматын тапшырган. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG