Линктер

ЧУКУЛ КАБАР!
22-Октябрь, 2021 жума, Бишкек убактысы 01:14

Таласта Өмүрбек Бабановду колдоо митингинин катышуучулары тарады


Талас шаарындагы митинг. 1-октябрь, 2017-жыл.

Президенттикке талапкер Өмүрбек Бабановдун тарапкерлери бүгүн Талас шаарында митингге чыгып, алдыдагы президенттик шайлоону таза өткөрүү талабын коюшту.

Облустук акимчиликтин алдына чогулган эл "Шайлоо - бул каралоо эмес, тандоо", "Бийлик эл тандоосуна тоскоол болбосун!", "Административдик ресурс - алсыз бийликтин куралы", "Кара пиар - бул интрига", "Талапкерлерге бирдей мамиле каралсын!" деген жазууларды кармап турушту.

Анда чыгып сүйлөгөндөр таза шайлоо өткөрүүнү талап кылышты, Бабановду "каралоо" болуп жатканын айтышып, аны токтотууга бийликти чакырышты. Жыйынга катышкандардын саны 500дөн ашканын уюштуруучулар билдиришти. Жергиликтүү милиция да муну ырастады. Митинг үч саатка созулуп, чогулгандар "акыйкат шайлоо өткөрүүгө президент кепил болуп берсин" деген талап менен тарап кетишти. Жыйында коомдук тартипти милиция көзөмөлдөдү. ​(AlS/NT)

Пикирлерди көрүңүз (26)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG