Линктер

ЧУКУЛ КАБАР!
19-Октябрь, 2021 шейшемби, Бишкек убактысы 06:27

Темирлан Сманбеков Нарын театрына жетекчи болуп барды


Кыргыз эл артисти Темирлан Сманбеков

Кыргыз эл артисти Темирлан Сманбеков Нарын облустук академиялык музыкалык драма театрына жетекчи болуп дайындалды. Мындай буйрукка Маданият, маалымат жана туризм министри Түгөлбай Казаков кол койду. Бул тууралуу кабарды Сманбеков өзү “Азаттык” радиосуна ырастады. Ал театрдын 80 жылдыгын өткөрүү боюнча даярдык көрүп жатканын белгиледи.

Темирлан Сманбеков буга чейин Токтоболот Абдумомунов атындагы Кыргыз улуттук драма театрын жетектеп турган. Театрдын дагы бир мурдагы жетекчиси Марат Алышпаев Сманбековду артисттердин эмгек акысын бербей, бир катар демөөрчүлөр менен иштешип акча жасоону көздөгөн, каражат бухгалтерияда кириш-чыгыш болгон эмес деп күнөөлөп, Экономикалык кылмыштарга каршы күрөшүү кызматына арыз жазган.

Темирлан Сманбеков күч органдары бардык фактылар боюнча эки жылдан бери текшерүү жүргүзүп келатканын, ар бир берилген акча максаттуу иштетилгенин “Азаттыкка” билдирди.

Сманбеков ушул жылдын 31-мартында жогору жактын басымынан улам кызматтан кетүү боюнча арызын жазганын билдирген. (КЕ)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG