Линктер

ЧУКУЛ КАБАР!
13-Май, 2021 бейшемби, Бишкек убактысы 09:19

Грузияда президентти эми депутаттар шайлашат


Грузиянын президенти Георгий Маргвелашвили конституциялык түзөтүүлөр жөнүндөгү мыйзамга кол койду. Ага ылайык, өлкө парламенттик системага өтүп, президентти эми депутаттар шайлашат.

Георгий Маргвелашвили буга макул эместигин билдирип, мыйзамга вето койгон.

"Кол коюу мен үчүн өтө кыйын болду. Бирок өлкөнүн сырткы жана ички проблемаларын эске алуу менен, туруксуздукка алып келбеш үчүн документке кол койдум", - деди президент.

Маргвелашвили өзгөртүүлөр башкаруудагы "Грузиянын кыялы" партиясынын бийлигин бекемдөөнү гана көздөйт деп сындаган.

Парламент алымча-кошумчаларды 26-сентябрда жактырган. 13-октябрда болсо президенттин ветосуна каршылыгын билдирип, четке кагышкан.

Пропорционалдык шайлоо системасына өтүү 2024-жылдан баштап каралган. Ал эми 2025-жылдан тарта президентти мыйзам чыгаруучулардан турган атайын кеңеш шайлайт.

Дагы бир түзөтүүлөргө ылайык, айыл чарба жерлерин чет өлкөлүктөргө сатууга тыюу салынат, парламенттеги оппозициялык партияларга болсо иликтөө комиссияларын түзүүгө уруксат берилет.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG