28-мартта Польша Кошмо Штаттардан "Patriot" абадан коргонуу системасын сатып алуу жөнүндө келишимге кол койду. Президент Анджей Дуда 4 миллиард 75 миллион долларлык макулдашууну Польшанын куралдуу күчтөрү үчүн “тарыхый” деп атады. Президент система кымбат болгонун айтып, бирок "коопсуздуктун баасы жок" деп кошумчалады
Комплекс 16 ракета аткыч, 4 радар жана көзөмөл системасынан турат. Кээ бир бөлүктөрү өлкөнүн коргонуу өнөр жайын өнүктүрүш үчүн Польшанын өзүндө чыгарылмакчы.
Былтыр Румыния да "Patriot" системасын сатып алуу жөнүндө макулдашкан.
Орусия 2014-жылы Крымды аннексиялап алгандан кийин НАТОнун чыгыш блогу коргонуу системаларын жана куралдуу күчтөрүн модернизациялоого киришкен.
