Акыркы мезгилде Кыргызстандын Тышкы иштер министрлигиндеги абал коомчулуктун көңүл борборуна чыкты. Тышкы саясат мекемесиндеги коррупциялык көрүнүштөр боюнча айыптоодон улам башкы дипломат Эрлан Абдылдаев кызматтан кетсе, Түштүк Кореядагы мурдагы элчи Кылычбек Султан чет өлкөдөн башпаанек сураганын жарыялады. Мындай кырдаалда министрге көрсөтүлгөн талапкердин ысымы дайын болду. Өлкөнүн тышкы саясат мекемесинин туш болгон акыркы кырдаал эмнеден кабар берет? Дипломаттык этиканы менен жоопкерчиликтин эске чыгышы эмне себеп болууда. Бул суроолорду “Азаттыктын” “Эксперттер талдайт” берүүсүндө талкуулайбыз. Талкууга Жогорку Кеңештин депутаты Акылбек Жамангулов, мурдагы элчилер Бактыгүл Каламбекова жана Кубан Мамбеталиев, Сереп иликтөө борборунун башчысы, тышкы саясат боюнча адис Искендер Ормон уулу катышты.