Жозе Моуринью "Манчестер Юнайтедден" кетти

18-Декабрь, 2018

Жозе Моуриньо УЕФАнын финалдык мелдешинде. Стокгольм, 24-май, 2017-жыл.

"Манчестер Юнайтед" футбол клубунун машыктыруучусу Жозе Моуринью бул кызматтан кеткенин клуб "Твиттердеги" баракчасына жарыялады.

55 жаштагы португалиялык машыктыруучу бул кызматка 2016-жылдын май айында келген. Андан бери команда бир катар мелдештерди, анын ичинде Англиянын суперкубогун, Футбол лигасынын кубогун уткан жана 2017-жылы УЕФАнын Европа Лигасы турниринде "Манчестер Юнайтеддин" тарыхында биринчи жолу жеңишке жеткен.

Кийинки башкы машыктыруучу ким болору азырынча белгисиз, клубдун жетекчилиги анын аты-жөнүн жакын арада жарыяларын кабарлады.

Маалыматтарга караганда, Моуриньюнун кетишине команданын бул сезондогу ийгиликсиз көрсөткүчтөрү түрткү болгондой. "Манчестер Юнайтед" ушу тапта Англия чемпионатында алтынчы орунду ээлеп турат.

Жекшембиде "кызыл шайтандар" "Ливерпулга" 1:3 эсебинде утулуп калышкан. Ошондон улам команданын күйөрмандары Моуриньюнун кетишин талап кылып жатышкан.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө