Линктер

ЧУКУЛ КАБАР!
7-Декабрь, 2021 шейшемби, Бишкек убактысы 08:05

Президент фракция лидерлери менен шайлоо мыйзамдарын талкуулады


Сүйлөшүү учурунда тартылган сүрөт. 14-январь, 2019-жыл.

Президент Сооронбай Жээнбеков 14-январда Жогорку Кеңештин төрагасы Дастанбек Жумабеков жана парламенттеги фракциялардын лидерлери менен жолугушту.

Президенттик аппараттын басма сөз кызматы билдиргендей, мамлекет башчы 2019-жылды Аймактарды өнүктүрүү жана өлкөнү санариптештирүү деп жарыялоо жөнүндөгү чечим, 2018-2040-жылдары Кыргызстанды өнүктүрүүнүн улуттук стратегиясы, 2018-2020-жылдарга карата шайлоо мыйзамдарын өркүндөтүүнүн стратегиясы тууралуу сүйлөшүп, Жогорку Кеңешти алардын багыттарын ишке ашырууга кызуу киришүүгө чакырды.

Жээнбеков парламентке жакын арада кабыл алынышы керек болгон шайлоо мыйзамдарына өзгөртүүлөрдү киргизүү жөнүндө төрт мыйзам долбоору кароого жөнөтүлгөнүн айтты.

"Шайлоо жөнүндө мыйзамдар аны менен алдын ала бардыгы жакшылап таанышып чыгып, "ал мындан ары өзгөрбөйт" деген бекем ишеним менен шайлоого катыша тургандай болуп, шайлоого бир жыл калганда турукташуусу зарыл", - деди Жээнбеков.

Кыргызстанда парламенттик шайлоо 2020-жылы өтөт.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG