Линктер

дүйшөмбү, 23-сентябрь, 2019 Бишкек убактысы 07:06

Косово премьери Гаага соту шектүү катары чакыргандан кийин кызматтан кетти


Рамуш Харадинай кызматтан кеткенин жарыялагандан кийин журналисттердин суроолоруна жооп берүүдө.

Косовонун премьер-министри Рамуш Харадинай Гаагадагы эл аралык сот аны аскер кылмыштарын жасоого шектүү катары чакыргандан кийин жума күнү кызматынан кетерин жарыялады.

«Мен Косово Республикасынын премьер-министрлик кызматынан кетип жатам. Мен сиздерге ишеним көрсөтүп, колдогонуңуздар үчүн ыраазычылык билдирем. Менин кызматтан кетүүмө Гааганын атайын комиссиясынын шектүү катары чакыруусу себеп болду», - деди ал Приштинадагы өкмөттүн жыйынында.

Рамуш Харадинай 1998-1999-жылдары Косовонун боштондук армиясынын колбашчыларынын бири катары сербдерге каршы куралдуу күрөш жүргүзгөн.

«Мен сотко шектүү катары чакырылдым. Мага ал жерге премьер-министр же жеке тарап катары келүүнү сунушташты. Мен экинчисин тандадым», - деди Харадинай.

Ушуну менен Харадинай Гаага сотунун айыптоосуна байланыштуу экинчи ирет кызматтан кетип жатат. Ал биринчи жолу премьер-министрлик кызматын 2005-жылы тапшырып берген.

2012-жылы мурдагы Югославиядагы кылмыштарга байланыштуу Эл аралык трибунал Рамуш Харадинайды аскер кылмыштары үчүн актаган өкүм чыгарган.

Косово Сербиядан бөлүнгөнүн 2008-жылы бир тараптуу түрдө жарыялап, аны ушул күнгө чейин дүйнөнүн 110 мамлекети тааныды. Сербия мурдагы провинциясынын эгемендигин тааныбай, Косовону Конституцияга ылайык өлкөнүн бир бөлүгү деп эсептейт.

Пикирлерди көрүңүз (3)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG