Ушул күндөрү Польшада өтүп жаткан «Poland Open 2019» эл аралык күрөш турниринде кыргызстандык спортчу Айсулуу Тыныбекова финалдык мелдешке катыша албай калды.
Кыргызстандын күрөш федерациясынын вице-президенти Байгазы Кенжебаев «АКИpress» агенттигине Айсулуу Тыныбекованын жаракаты жеңил экенин, бирок спортчунун ден соолугуна кам көрүш үчүн финалдык сынактан баш тартуу тууралуу чечим кабыл алынганын маалымдады.
Кыргызстандык балбан 3-августта 62 кг салмакта күч сынашып, Швециядан, Украинадан, Орусиядан келген атаандаштарын утуп финалга жолдомо алган. Бирок жарым финалдык таймашта тизесин кокустатып алган. (TSh)
