Бишкектин абасы дүйнөдөгү эң кир аймактардагыдай абалга келди. Экологиялык маселелер эң кооптуу көйгөйгө айланды. Дал ушундай чочулоолор маалымат каражаттарынын башкы темасына айланды. Мындай билдирүүлөргө экологиядагы зыяндуу калдыктарды аныктаган соңку текшерүүлөр негиз болду. Дал ушундай шартта экологиялык маселелерди чечүү үчүн эмне кылуу керек. Талкууга Жогорку Кеңештин депутаты Абдывахап Нурбаев, Кыргыз улуттук университетинин биология кафедрасынын жетекчиси, эколог Алмагүл Кендирбаева, Бишкек шаардык мэриясынын алдындагы “Шаардагы сейил бактар” ишканасынын директору Калича Умралиева жана Бишкек шаардык кеңешинин депутаты Рысбай Аматов катышты.