Күн тартибинде азык-түлүк коопсуздугу, COVID-19 вирусуна каршы туруу боюнча иштерге тартылган кызматкерлерге көрүлгөн камкордук, кенемте төлөө, чет жакта калган кыргызстандыктарды алып келүү иштери жана өзгөчө абал режиминде Бишкекте айрым ишкерликтин түрлөрүнө чектөөлөрдү жумшартуу маселеси бар.
Жогорку Кеңештин Эл аралык иштер, коргоо жана коопсуздук боюнча комитети менен Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында биринчи вице-премьер-министр Кубатбек Боронов баштаган өкмөт мүчөлөрү маалымат берүүдө.
Биринчи вице-премьер-министр Кубатбек Боронов: - Азык-түлүктүн запасы жетиштүү. Өкмөт муктаждарды камсыз кылып жатат. Бизнести колдоо максатында антикризистик план иштелип чыкты. Пландын максаты - бизнести сактап калуу, банкроттукка учурашына жол бербөө.
Биринчи вице-премьер-министр Кубатбек Боронов: Коммуналдык кызмат көрсөтүүлөрдү үзгүлтүккө учуратпоо боюнча бардык чаралар көрүлүп жатат. Мөөнөтүнөн кечиктирип төлөгөнү үчүн айып салынбайт. Ишкерлерге салыкты төлөө мөөнөтү узартылды. Пандемиянын экономикага тийгизген таасири анализденип жатат. Орто, чака бизнести сактап калып, калыбына келтирүү үчүн аракеттер көрүлүп жатат.