Кыргызстанда коронавирус пандемиясына байланыштуу абал курч бойдон калууда. 1-июлга карата өлкө боюнча инфекцияны жугузуп алгандардын саны рекорддук чекке жетип, 430дан ашты. Учурда өлкөдө пневмониядан жабыркагандар да көбөйүп, ооруканаларда тез жардам көрсөтүүгө дарыгерлер жетишпей жатат. COVID-19га кантип туруштук беребиз? Анын кесепеттерин кантип азайтабыз? “Азаттыктын” “Эксперттер талдайт” талкуусуна саламаттык сактоо министринин орун басары Мадамин Каратаев, АКШда иштеп жүргөн медицина илимдеринин доктору, профессор Рысбек Абдылдаев, мурдагы премьер-министр Темир Сариев, Жогорку Кеңештин депутаты Элвира Сурабалдиева жана учурда калкка онлайн кеңеш берип жаткан ыктыярчы-дарыгерлердин бири Эрмек Исмаилов катышты.